УОК: Дараах 18 байгууллагын үйл ажиллагааг зөвшөөрнө

Засгийн газар өнөөдөр (2020.11.29) ээлжит бусаар хуралдаж, Улсын Онцгой комиссын санал, шийдвэрийг хэлэлцээд, коронавирусний халдвар бүртгэгдсэн Улаанбаатар хот болон Сэлэнгэ, Архангай, аймгуудын хөл хориог 2020.12.11 хүртэл дахин 10 хоног сунгах шийдвэр гаргасан. Харин бусад аймгуудын хөл хориог сулруулж, Бүх нийтийн бэлэн байдалд шилжсэн зэрэглэлийг нэг шат бууруулан, Өндөржүүлсэн бэлэн байдлын зэрэгт шилжүүлэхээр гаргасан УОК-ийн саналыг Засгийн газар дэмжжээ. 

Засгийн газрын хуралдаанаас Улаанбаатар хотын хөл хориог хэвээр үлдээсэн ч боловсруулах салбарын үйлдвэрүүдийг чанд дэглэм баримтлан нээх чиглэл гаргалаа. Энэ хүрээнд дараах 18 байгууллагын үйл ажиллагаа хэвийн үргэлжилнэ гэсэн үг юм.

Шадар сайд Я.Содбаатар "Үсчин, гоо сайхан ажиллахгүй. Ингэж ойлгож болохгүй. Хүнс, эмийн чиглэлийн худалдаа, онлайн худалдаа, түгээлт ажиллана" гэдгийг тодотголоо. 

Үйл ажиллагааг нь хязгаарлаагүй байгууллагууд
 

1. Эрчим хүчээр хангах үйл ажиллагаа 
2. Хүнсний үйлдвэр, худалдаа, түгээлт, тээвэрлэлт
3. Газрын тосны бүтээгдэхүүн, түлшний хангамж, түгээлт, тээвэрлэлт
4. Хот суурины усан хангамж, ариутгал, татуурга ашиглалт
5. Эрүүл мэндийн байгууллага, эм, эмнэлгийн хэрэгслийн үйлдвэрлэл, ханган нийлүүлэлт, худалдаа
6. Банк санхүү, хөрөнгийн биржийн үйл ажиллагаа
7. Хэвлэл мэдээлэл, харилцаа холбоо, шуудан илгээмж
8. Улсын онц чухал болон стратегийн ач холбогдол бүхий объект, байгууллага
9. Малын өвс тэжээлийн үйлдвэр, худалдаа, тээвэрлэлт
10. Гоо сайхны бүтээгдэхүүн үйлдвэрлэл
11. Арьс шир, ноос ноолуурын боловсруулах үйлдвэр
12. Сав, баглаа боодол, хэвлэх үйлдвэрлэл
13. Модон эдлэл, барилгын хийц, материалын үйлдвэрлэл
14. Бараа материалын цахим худалдаа, хүргэлт
15. Хууль тогтоох дээд байгууллага, нутгийн өөрөө удирдах байгууллага, төрийн захиргааны байгууллага
16. Тусгайлсан чиг үүрэг бүхий байгууллага
17. Шүүх, прокурор, өмгөөлөл наториат,
18. Оршуулгын үйлчилгээ