ХӨСҮТ-д эмчлүүлж байгаа зургаан иргэний бие МАШ ХҮНД байна

Эрүүл мэндийн яамнаас өнөөдрийн /2020.11.30/ 11:00 цагийн ээлжит мэдээллээ өглөө. 

Энэ үеэр ХӨСҮТ-ийн Тандалт судалгааны албаны дарга А.Амбасэлмаа "Өнгөрсөн хоногт нийт 10308 хүнд шинжилгээ хийлээ. Үүнээс долоон хүнээс халдвар нэмж илэрлээ. Улаанбаатар хотод хоёр хүнээс халдвар илэрлээ. Хоёулаа ойрын хавьтлын тусгаарлагдсан хүмүүс байсан. Нийт 77 тохиолдол боллоо. Сэлэнгэ аймагт таван тохиолдол нэмж бүртгэдсэн. Бас л ойрын хавьтлын иргэд байна. Сэлэнгэ аймагт нийт батлагдсан тохиолдол 179 болж байна. Дархан-Уул аймаг, Орхон аймаг, Говьсүмбэр болон Архангай аймагт халдварын тохиолдол бүртгэгдээгүй" гэж ярилаа. 

Өнөөдрийн байдлаар Монгол Улсад батлагдсан тохиолдол 791 болллоо. Үүнээс 354 иргэн эдгэрч, ХӨСҮТ-өөс гарсан байна. Харин эмчлэгдэж байгаа 428 иргэний 342 нь хөнгөн, 76 нь хүндэвтэр байна. Мөн биеийн байдал нь хүнд дөрөв, маш хүнд зургаан иргэн байгаа бол нутаг буцсан есөн иргэн байгаа талаар мэдээллээ.