ГОВЬСҮМБЭР I Дөрвөн тохиолдлын ойрын хавьтал 146 хүнийг тусгаарлажээ

З.Тэмлүүн | Zindaa.mn
2020 оны 12 сарын 04

Говьсүмбэр аймагт “Ковид-19” халдварын батлагдсан тохиолдол 2020 оны арванхоёрдугаар сарын 02-ны өдрийн байдлаар дөрөв бүртгэгдэж, ХӨСҮТ-д хоёр, Цэргийн төв эмнэлэгт  хоёр хүн тус тус эмчлэгдэж байна. 

Арванхоёрдугаар сарын 03-ны өдрийн байдлаар батлагдсан дөрвөн тохиолдлын ойрын хавьтлаас тархвар судлалын асуумж болон шинжилгээний хариуг үндэслэн, 19 хүнийг тусгаарлалтаас гарган, 146 хүн үлдээд байна.
 

  • Дам хавьтлаас хамгийн эхний батлагдсан тохиолдол О-ийн дам хавьтал 254 хүний ажиглалт тандалтын хугацаа дуусч, тусгаарлалтаас гарган дам хавьтлын тоо 127 болсон. Ойрын болон дам хавьтлыг хуваарийн дагуу зохих хугацаандаа шинжилгээнд бүрэн хамруулсан. 
     
  • Аймгийн Нэгдсэн эмнэлгийн халдвартын тасагт 4 хүн, гэрийн ажиглалт тусгаарлалтад  ойрын хавьтлын 142 хүн байна. 
     
  • 2020 оны арванхоёрдугаар сарын 02-ны өдрийн байдлаар 7102 хүнийг түргэвчилсэн оношлуурын шинжилгээнд, 1029 хүнийг баталгаажуулах PCR шинжилгээнд хамруулсан.
     
  • Цаг үеийн нөхцөл байдлаас шалтгаалан суурин шинжилгээний 3-9 хүртэлх цэгийг, явуулын 1-3 хүртэлх цэгийг ажиллуулж, иргэдээс сайн дурын болон зорилтот бүлэгт чиглэсэн шинжилгээг авч байна. 

Эрүүл мэндийн яаманд хүсэлт тавьж, 77,3 сая төгрөгийн үнэ бүхий 9 нэр төрлийн хамгаалах хувцас хэрэгсэл, 5,5 сая төгрөгийн үнэ бүхий 10000 хос нэг удаагийн бээлий, нийт 9200 ширхэг түргэвчилсэн оношлуураар хангагдан тандалт судалгаа, тусламж, үйлчилгээнд хэрэглэж байна гэж Эрүүл мэндийн яамнаас мэдээллээ. 

Top