2020.12.01-нээс өмнө олгосон QR код автоматаар идэвхжих ч заавал ШИНЭЭР ХЭВЛҮҮЛНЭ

Улаанбаатар хотод  маргаашнаас /2020.12.23/  эхлэн  14 хоногийн хугацаатай хөл хорио тогтооно. Нийслэлийн Онцгой Комиссоос нөхцөл байдалтай холбогдуулан мэдээлэл хийж байна.

Хөл хорионы хугацаанд дараах 15 салбарын үйл ажиллагаа хязгаарлагдахгүй юм.

• Эрчим хүч, дулаан сайжруулсан түлшээр хангах үйл ажиллагаа
• Хүнсний үйлдвэрлэл, худалдаа, түгээлт, тээвэрлэлтийн үйл ажиллагаа
• Газрын тосны бүтээгдэхүүн, түлшний хангамж, түгээлт, тээвэрлэлтийн үйл ажиллагаа
• Малын өвс, тэжээлийн түгээлт, тээвэрлэлтийн үйл ажиллагаа
• Улсын онц чухал болон стратегийн ач холбогдол бүхий объект, байгууллагын үйл ажиллагаа, тэдгээрийн хүч хэрэгслийн хангамж, тээвэрлэлт
• Нийтийн тээвэр, зөвшөөрөлтэй такси үйлчилгээ
• Хот, суурины ус хангах, ариутгах, татуургын ашиглалтын үйл ажиллагаа
• Эрүүл мэндийн байгууллага, эм, эмнэлгийн хэрэгсэл ханган нийлүүлэх үйл ажиллагаа
• Банкны үйл ажиллагаа
• Хэвлэл мэдээлэл, харилцаа холбоо, шуудангийн үйл ажиллагаа
• Тусгайлсан чиг үүрэг бүхий байгууллагын үйл ажиллагаа
• Хууль тогтоох байгууллага, шүүх, прокурор, өмгөөлөл, нотариатын үйл ажиллагаа
• Оршуулгын үйл ажиллагаа
• Гэр бүлийн хүчирхийлэлтэй тэмцэх, хүүхэд харах төв
• Төрийн захиргааны зарим байгууллага багтаж байгаа.

Тэгвэл эдгээр салбарт үйл ажиллагаа явуулдаг 23,900 иргэний  автомашинд 2020 оны арванхоёрдугаар сарын 1-нээс өмнө олгогдсон QR код автоматаар идэвхжих аж. Гэхдээ QR кодыг шинээр заавал хэвлүүлэх ёстой. Өмнө нь код авсан бол smartcar.mn сайт руу орж, хэвлэж авах аж.