СЭМҮТ-ийн эмч нар БЗД-ийн хоёр сургууль дээр PCR шинжилгээ авч эхэллээ

Сэтгэцийн эрүүл мэндийн үндэсний төвийн эмч, эмнэлгийн ажилтнуудаас бүрдсэн хоёр баг Баянзүрх дүүргийн Ерөнхий боловсролын 147, Амгалан цогцолбор сургуулийн байранд PCR шинжилгээ авч эхэллээ.

Баянзүрх дүүргийн нэгдсэн эмнэлэгт коронавируст “Ковид-19” халдварын голомт үүссэнтэй холбогдуулан тус дүүрэгт 12 сарын 21-28-ны өдрүүдэд 70000 – 80000 иргэнийг /PCR/-ын шинжилгээнд хамруулж, тандалт хийхээр Улсын онцгой комиссоос шийдвэрлэсэн юм.