Авто тээврийн товчоодоор нэвтэрсэн  3909 зорчигчоос сэжигтэй тохиолдол илрээгүй

Өнөөдөр буюу  арванхоёрдугаар сарын 27-ны өдрийн 08:00 цаг хүртэлх өнгөрсөн 24 цагийн хугацаанд Нийслэлийн авто тээврийн шалган нэвтрүүлэх есөн товчоонд эрүүл мэнд, онцгой, цагдаа, мал эмнэлэг, мэргэжлийн хяналтын 88 ажилтан албан хаагч үүрэг гүйцэтгэж байна.

Үүнээс эрүүл мэндийн байгууллагын 27 албан хаагч ажиллаж байгаа юм. Дээрх хугацаанд авто тээврийн товчоодоор 1128 автомашин нэвтэрч орсон бол, 1318 тээврийн хэрэгсэл гарчээ. Нийт 3909 зорчигчид эрүүл мэндийн хяналт хийсэн бөгөөд сэжигтэй тохиолдол илрээгүй байна.