18 дахь удаагийн эрсдэлийн үнэлгээг УОК-т танилцуулна

Нийслэлээс бусад аймаг, орон нутагт коронавируст халдвар  тархах эрсдэлийн 18 дахь шатны үнэлгээг цахимаар хийжээ.

Эрсдэлийн үнэлгээг ЗТХЯ, ОБЕГ, МХЕГ, ХХЕГ, ТЕГ, ЦЕГ, НОК, НОБГ, ХӨСҮТ, ЗӨСҮТ, НЭМГ, УБТЗ, МҮХАҮТ, Сэлэнэ аймгийн Онцгой комисс зэрэг байгууллагын төлөөллөөс бүрдсэн ажлын хэсэг хийсэн байна.

Ажлын хэсэг Шадар Сайдын 2017 оны А/08 тоот тушаалаар батлагдсан “Эрсдэлийн үнэлгээний аргачлал”-ын дагуу үнэлгээг хийж, үнэлгээний дүнг Улсын онцгой комисст танилцуулахаар ажиллаж байна гэж Онцгой байдлын ерөнхий газраас мэдээллээ.