БГД-ийн 5, 6 дугаар хорооны иргэдийг шинжилгээг өглөөний 06:00 цагаас эхлүүллээ
Баянгол дүүргийн 5, 6 дугаар хорооны тодорхой байршилд коронавируст “Ковид-19” халдвар голомтлон гарсантай холбогдуулан хэсэгчлэн хааж, халдварыг тандах, илрүүлэх шинжилгээг 2021 оны 01 дүгээр сарын 08-ны 06:00 цагаас эхлэн зохион байгуулж байна.
Энэ хүрээнд явуулын 46 баг дээрх хороодын 20 гаруй мянган иргэнийг PCR-ийн шинжилгээнд хамруулах бөгөөд эрүүл мэндийн байгууллагын 230 ажилтан, цагдаа болон онцгой байдлын 236 албан хаагч ажиллаж байна.
Халдварыг тандах, илрүүлэх шинжилгээг өнөөдрөөс эхлэн амралтын өдрүүдэд зохион байгуулж, хязгаарлалтын дэглэмийг цуцлах юм.
Үүнтэй холбогдуулан бусад дүүрэгт ажиллаж байгаа шинжилгээний цэгийн тоог багасгаж, дүүрэг тус бүрт 1 цэг ажиллуулна. Иймд иргэдийг шаардлагагүй тохиолдолд шинжилгээний цэгүүдэд очиж, ачаалал үүсгэхгүй байхыг анхааруулж байна.
БУСАД ДҮҮРЭГТ АЖИЛЛАЖ БАЙГАА ШИНЖИЛГЭЭНИЙ ЦЭГ:
- Баянзүрх дүүрэг: -142-сургууль
- Сонгинохайрхан дүүрэг: -9 дүгээр сургууль
- Сүхбаатар дүүрэг: -58 дугаар сургууль
- Хан-Уул дүүрэг: -7 дугаар сургууль
- Чингэлтэй дүүрэг: -39 дүгээр сургууль
- Баянгол дүүрэг: -13 дугаар сургууль.
Эх сурвалж: Нийслэлийн эрүүл мэндийн газар
Холбоотой мэдээ
Сэтгэгдэл ( 1 )
Ахуй амьдрал нь эмх цэгцтэй биш балиар заваан орчинд дасан зохицох маягтай амьдардаг гар нүүрээ угаадаггүй үүнийгээ дархлаа гэж ойлгодог сэтгэлгээ болоод материаллаг эд хөрөнгөөр маш ядуу хүмүүс халдварт өртөх нь их байна. Нэг ёсондро нийгмийн шаарууд тахалд өртөж халдвар тарааж байна.