Өнгөрсөн 24 цагийн хугацаанд ДОЛООН хүн эдгэрч, эмнэлгээс гарчээ

ЭМЯ-аас коронавируст халдварын нөхцөл байдлын талаарх ээлжит мэдээллийг өглөө \2021.01.08, 11:00 цаг\

Сүүлийн 24 цагийн хугацаанд 7 хүн эдгэрч эмнэлгээс гарсан. Үүний зургаа нь Сэлэнгэ аймгийн Нэгдсэн эмнэлэгт эмчлэгдэж байсан байна. Ингээд Улсын хэмжээнд 896 хүн эдгэрлээ.

Улаанбаатарт нийт халдвар 571 болсон байна. Энэ хугацаанд бусад аймгуудад халдвар бүртгэгдээгүй. Улсын хэмжээнд нийт кластер өвчлөлийн голомтод 897 тохиолдол бүртгэгдсэн. Улсын хэмжээнд зөөвөрлөгдсөн болон дотоодын халдварын нийт батлагдсан тохиолдол 1395 боллоо.

Өнгөрсөн 24 цагийн хугацаанд 14225 шинжилгээ хийхэд 33 хүнээс коронавирус илэрлээ. Үүнийг задалбал Цэргийн төв эмнэлгийн эмч, сувилагч байна. Бусад нь өмнө нь гарч байсан голомттой холбоотой, цаашаа үргэлжилсэн голомтын хавьтлууд байна. Мөнххада, БЗД-ийн Нэгдсэн эмнэлэг, ХСҮТ-ийн халдвараас улбаатай гэр бүлийн дамжсан халдваруудаас гарсан.

Мөн "Ачтан" эмнэлгийн ажилчид болон тэдний гэр бүлийн хүмүүс байна. Үүнээс гадна орцны хавьтал, ялангуяа БГД-ийн 6 дугаар хороонд нэг орцны зургаан хүн халдвар авсан байна. Энэ нь тус хорооны 65 дугаар байр, 43А байр, 57 дугаар байруудад өвчлөл, урьд гэр бүлийн хавьталтай холбоотой тохиолдлууд гарч байна. Тэнд мөн "Ачтан" эмнэлгийн ажилчдын байр байдаг юм байна. Үүнтэй холбоотойгоор тухайн хэсэгт үргэлжилсэн голомтлог байдал үүссэн байна.

Тиймээс БГД-т үүссэн голомттой холбоотойгоор тус дүүргийн 5, 6 дугаар хорооны иргэдэд шинжилгээ үйл ажиллагаа өчигдөр оройноос зохион байгуулагдсан.