Тээврийн хэрэгслийн хөдөлгөөн 2021.01.11-нээс ХЭВИЙН ГОРИМД шилжиж, QR код шаардлагагүй болно

Ирэх даваа гарагийн 06:00 цагаас нийтийн тээвэр энгийн цагийн хуваарийн дагуу явна. Автомашины хөдөлгөөн хэвийн явагдаж, дугаарын хязгаарлалт хэрэгжинэ.  QR код ирэх даваа гарагаас эхлээд хэрэгжихгүй гэж Нийслэлийн Засаг даргын нэгдүгээр орлогч Ж.Сандагсүрэн хэллээ.

Сануулахад энэ сарын 4-ний өдрийн УОК, Засгийн газрын хуралдаанаар ирэх даваа гараг буюу 11-ний өдрийг хүртэл томоохон голомт гарахгүй бол Хөл хорионы зэрэглэлийг 1 зэргээр бууруулж, Өндөржүүлсэн бэлэн байдлын үед ажиллуулж байсан үйлчилгээний салбаруудын үйл ажиллагааг эхлүүлнэ гэсэн тогтоол гаргасан.  

Энэ тогтоолын дагуу Нийслэлийн Онцгой Комисс өнөөдөр  хуралдаж, ирэх даваа гарагаас зарим худалдаа, үйлчилгээний салбаруудыг нээхээр болсныг мэдээллээ. Мөн коронавируст халдварын тархалтыг хумихад сөрөг нөлөө үзүүлэх эрсдэл өндөртэй 18 салбарын үйл ажиллагааг хориглоно гэдгийг мэдэгдлээ.