БГД-т 200 эмч, цагдаагийн 140 алба хаагч ажиллаж байна

Баянгол дүүргийн 4-р хорооны сонгогдсон байршилд 2021 оны нэгдүгээр сарын 14, 15-ны өдрүүдэд хийх тандалт, илрүүлгийн шинжилгээний ажил үргэлжилж байна.

Дээрх хороонд халдварыг тандах, илрүүлэх шинжилгээ хийх ажилд явуулын 27 багийн 200 эмч, ажилтан, дүүргийн Цагдаагийн газрын I, II хэлтсийн 140 албан хаагч болон дүүргийн Замын цагдаагийн хэлтэс, Онцгой байдлын хэлтэс, Мэргэжлийн хяналт зэрэг холбогдох албаныхан үүрэг гүйцэтгэж байна.

Оршин суугч та бүхэн хязгаарлалтын дэглэм зөрчиж, алба хаагчдын ажилд хүндрэл учруулахгүй байхыг хүсье.
 

• Эрүүл мэндийн үйлчилгээ зайлшгүй авах иргэд - 88139922
• Хүнсний дэлгүүр, эмийн сан - 70130954
• Ажил байдлын тодорхойлолт авах, хороотой холбоотой мэдээллийг 99164351 дугаараас лавлах боломжтой.

Эх сурвалж: Баянгол дүүргийн Шуурхай штаб