"Монос"-ын оффист ажиллаж байсан хүмүүсийн гэр бүлээс ХАЛДВАР илэрчээ

Эрүүл мэндийн яамнаас өнөөдрийн /2021.01.20/ 11:00 цагийн ээлжит мэдээллээ өглөө. Энэ үеэр ХӨСҮТ-ийн Тандалт судалгааны албаны дарга А.Амбасэлмаа өнгөрсөн хоногт 32 хүнээс халдвар нэмж илэрсэн талаар мэдээллээ. Тэдний дунд АТГ-ын ажилтан, гэр бүлээс болон Эх, хүүхэд эрүүл мэндийн үндэсний төвийн эмчээс халдвар илэрсэн талаар хэллээ. 

Тэрбээр "Өнгөрсөн хоногт нийт 13313 хүнд шинжилгээ хийлээ. Үүнээс 32 хүнээс халдвар илэрлээ. Бүгд Улаанбаатарт бүртгэгдсэн. Тодруулбал, Баянгол дүүргийн 12 дугаар хорооны 19 дүгээр байрны нэг орцны 13 хүнээс халдвар илэрлээ. Тэдний дунд Эх, хүүхэд эрүүл мэндийн үндэсний төвд ажилладаг нэг эмч байсан. Тус газар 900 гаруй ажилтантай. Эхний байдлаар 600 хүний шинжилгээний хариу гарсан. Халдвар илрээгүй. Мөн "Монос"-ын оффист ажиллаж байсан хүмүүсийн гэр бүлээс илэрсэн байна. Баянзүрх дүүргийн тохижилт үйлчилгээний газрын зургаан хүнээс халдвар илэрлээ. Түүнчлэн АТГ-т ажилладаг хүн, түүний гэр бүлээс халдвар илрээд байна" хэмээн тодотголоо.