Баянгол дүүргийн захуудад QR кодын ашиглалт хангалтгүй байна

Э.Мөнхжин | Zindaa.mn
2021 оны 01 сарын 20

Нийслэлийн Засаг даргын 2021 оны А/06 дугаар захирамжийн хэрэгжилтийг хангуулах чиглэлээр Баянгол дүүргийн Онцгой Комиссоос дүүргийн нутаг дэвсгэрт үйл ажиллагаа явуулдаг “Барс 1, 2, Гэгээ, Барс 2, Sunday-2, Таван-Эрдэнэ, Бэст” захуудад урьдчилан сэргийлэх хяналт шалгалт хийжээ. Уг шалгалтаар дээрх 6 худалдаа, үйлчилгээний байгууллагын бүртгэлийн QR кодын ашиглалт хангалтгүй байв.

ДОК-ын Ажлын хэсэг “Covid 19”-ийн халдвараас урьдчилан сэргийлэх заавар, зөвлөмжийг өгч, бүртгэлийн QR кодыг худалдаа, үйлчилгээний төвөөр үйлчлүүлж иргэдээр тогтмол уншуулж хэвших, ухаалаг утасгүй тохиолдолд иргэдийн иргэний үнэмлэхний QR кодыг аж ахуйн нэгж, байгууллага уншуулах, мөн иргэд үйлчилгээний байгууллагаар үйлчлүүлэхэд халдвар хамгааллын дэглэмийг сахиулах, гар ариутгагчийг байршуулж ажиллах заавар, зөвлөмжийг өгч ажиллалаа.

Иймд, иргэд QR бүртгэлийг хариуцлагатайгаар тогтмол ашиглах, ААН-үүд үүнд шаардлага тавьж үйлчилж хэвших нь цар тахлаас үүдэлтэй бэлэн байдлын үед бүх нийтийн эрүүл мэндийн аюулгүй байдалд үнэтэй хувь нэмрээ оруулж буй явдал юм. Иймд хамтдаа хариуцлагатай байж, QR бүртгэлийг хэвшил болгохыг ААН, иргэдэд УРИАЛЖ байна гэж Баянгол дүүргийн Шуурхай штабаас мэдээллээ.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top