ЭМЯ: Гуравдугаар сард өвчлөл нэмэгдэх хандлагатай байна

ЭМЯ-ны өнөөдрийн мэдээллээр өнгөрсөн 24 цагийн хугацаанд 14283 хүнд коронавирусний шинжилгээ хийхэд 38 хүнээс халдвар нэмж илэрсэн гэдэг мэдээллийг өгсөн. Халдвар бүгд Улаанбаатар хотод бүртгэдсэн байна. Мөн үеэр дараах асуултад хариулт өглөө.

-Гуравдугаар сард халдварын тохиолдол дахин нэмэгдэнэ гэсэн мэдээлэл байна. Энэ үед эрүүл мэндийн байгууллага бэлэн байгуу юу? Бэлтгэл хангаж чадсан уу?

-Гуравдугаар сард өвчлөл нэмэгдэх хандлагатай байгаа гэдэг нь үнэн. Үүнийг дархварзүйн муруй өдрөөс өдөрт нэмэгдэж байгаагаас харж болно. Хоёрдугаарт хавьтлуудыг тоо, тусгаарлалтад орж байгаа хүмүүсийн тоо нэмэгдэж байна. Гуравдугаарт математик загварчлалаар УОК, ЭМЯ-ны эрдэмтэн судлаачдын дүгнэлтээр халдвар нэмэгдэх прогноз, хэтийн төлөвлөгөө гаргаж, цаашдаа авах арга хэмжээнийхээ чиглэлийг гаргаж явж байна. Дөрөвдүгээрт дархвар судлалын хувьд улаан, ногоон байдлаараа ямар үе шатандаа явааг гаргаж байгаа. Энэ бүх аргуудаас харахад өвчлөл нэмэгдэх хандлагатай байна.

Үүнтэй холбогдуулан халдвар эсэргүүцэх арга хэмжээ, ажиллах эмч, эмнэлгийн ажилчдын нөөцийг бэлдэж, судалгаа гарган тооцож байдаг. Монгол Улсад нийт эрүүл мэндийн байгууллагын эмч, ажилтан 57 мянга гаруй байгаа. Үүнээс нарийн мэргэжлийн дархвар судлаач улсын хэмжээнд 120 гаруй байгаа. Эрчимт эмчилгээний 100 гаруй эмч, халдвартын эмчилгээний 80 орчим мэргэшсэн эмч нар ажиллаж  байна. Энэ нь хүн амын 31 мянган хүн өвчлөхөд хангалттай. Цаашдаа нөхцөл байдлын хүндрэл их өндөр байдалд хүрвэл тэтгэвэрт байгаа эмч нар, өөр байгууллагад ажиллаж байгаа эмч нарыг дайчлан ажиллах төлөвлөгөөг ЭМЯ-ны Хүний нөөцийн хэлтсээс гаргасан төлөвлөгөө судалгаатай байна.