Нийслэл хотод дараах ЗУРГААН голомт ИДЭВХЖИЛ өндөртэй байна

"Нэг хаалга-Нэг шинжилгээ" нэгдсэн арга хэмжээний талаар Засгийн газрын ээлжит мэдээллээ өнөөдөр /2021.02.14/ өглөө. 

Сүүлийн 24 цагийн хугацаанд лабораториудад 38450 хүнд шинжилгээ хийжээ. Эдгээрээс 58 хүн коронавирусний халдвар авсан нь батлагдсан байна. 58 иргэний хоёр нь “Нэг хаалга- Нэг шинжилгээ”-ээр илэрсэн байна. Өмнөх өдөр мөн шинжилгээний хүрээнд дөрвөн хүн халдвартай нь тогтоогдсон юм. 

Ингэснээр Улаанбаатар хотын хэмжээнд халдварын нийт тохиолдол 1513 боллоо. Түүнчлэн 29 хүн эдгэрч, гэртээ гарсан байна. Өвдсөн иргэдийн 71.5 хувь нь эдгэрсэн. Одоогийн байдлаар 621 хүн эмчлүүлж байгаагаас нэг хүний биеийн байдал маш хүнд байгаа ажээ. 

Нийслэл хотод дараах зургаан голомт идэвхжил өндөртэй байна.
 

• 116-р сургууль
• Сонгинохайрхан дүүрэг дэх "21" худалдааны төвтэй холбоотой голомт
• Бөөрний диализийн эмнэлэгтэй холбоотой халдвар
• "Монгол шир" хувьцаат компани
• Нийслэлийн "Амгалан" амаржих газар
• "Си Жи Эс" эмнэлэгтэй холбоотой голомт