Ахмад настай хүмүүс нийтийн тээврээр зорчих гэж их оролдож байна гэв

Өнөөдрөөс эхлэн /2021.02.15/ зөвшөөрөгдсөн 14 салбарын байгууллагууд үйл ажиллагаа явуулж буйтай холбоотойгоор нийтийн тээврийн 180 автобус 21 чиглэлд иргэдэд үйлчилж байгаа.

ЦЕГ-ын дэд дарга Ж.Амгалан хэлэхдээ нийтийн тээврээр ахмад настай хүмүүс зорчих гэж их оролдож байна. PCR шинжилгээ өгсөн л бол нийтийн тээврээр зорчино гэж ойлгож болохгүй.  Бүх нийтийн бэлэн байдлын хугацаа дуусах хүртэлх 7 хоногийн хугацаанд хаа хаанаа зохион байгуулалттай, тэсвэр, тэвчээртэй байх хэрэгтэй байна гэв.

Үйл ажиллагаа явуулахаар зөвшөөрөгдсөн 14 байгууллагын тухайд ажилчдаа хэрхэн яаж зорчуулах талаар ерөнхийдөө  зохион байгуулалтад орчихсон байгаа гэлээ.