Нийт өрхийн дундаас ХАЛДВАРЫН 47 тохиолдол илэрлээ
“Нэг хаалга-Нэг шинжилгээ” коронавируст халдварын нөхцөл байдлын мэдээллийг өглөө. /2021.02.19, 11:00 цаг/
Өнгөрсөн 24 цагийн хугацаанд лабораториудад 47.110 хүнд PCR шинжилгээ хийхэд коронавирусний 58 тохиолдол илэрлээ. Үүнээс 48 нь өмнөх батлагдсан тохиолдлуудын анхны болон давтан шинжилгээнээс илэрсэн бол “Нэг хаалга-Нэг шинжилгээ”-ний хүрээнд 10 нь массын дундаас илэрсэн. Хоёр нь анхны тохиолдол, бусад найм нь хавьтлаас илэрлээ.
“Нэг хаалга-Нэг шинжилгээ”-г эхлүүлснээс хойш 253.617 сорьцонд шинжилгээ хийхэд нийт 47 тохиолдол илэрлээ. Үүнээс 20 тохиолдол нь анхны шинжилгээгээр гарсан бол 27 нь эдгээр тохиолдлын гэр бүлийн ойрын хавьтлаас илэрсэн байна.
Батлагдсан анхны тохиолдлуудын байршил: БГД-ийн 3, 12, 25-р хороо, БЗД-ийн 26-р хороо, СБД-ийн 18-р хороо, СХД-ийн 6, 7, 18, 31, 39-р хороо, ХУД-ийн 2, 4-р хороо, ЧД-ийн 2, 6, 12-р хорооноос илэрлээ.
Ойрын хавьтлаас илэрсэн тохиолдлуудын байршил: БГД-ийн 3, 12, 25-р хороо, СХД-ийн 31, 39-р хороо, ХУД-ийн 2, 5, 18, 19-р хороо, ЧД-ийн 12-р хороо.
Холбоотой мэдээ
