Төрийн албан хаагчдыг аль болох автобусаар зорчуулах чиглэл хүргүүлжээ

ОБЕГ-ын дарга Г.Ариунбуян Улсын онцгой комиссын гишүүдэд хандаж чиглэл хүргүүлжээ. Ингэхдээ:

1. Гамшгаас хамгаалах өндөржүүлсэн бэлэн байдлын зэрэгт шилжүүлэхтэй холбогдуулан төрийн байгууллагын ажилтан албан хаагчдын 10 хүртэлх хувийг 2021 оны хоёрдугаар сарын 23-28 дуустал ажиллуулах, бусад албан хаагчдыг гэрээсээ цахимаар ажиллах хуваарийг баталж мөрдүүлэх.
2. Хуваарийн дагуу ажилтан, албан хаагчдыг нийтийн тээврээр зорчуулах эсхүүл албаны унаагаар зорчих /хувийн тээврийн хэрэгслээр зорчихыг хязгаарлах, зайлшгүй ажлын шаардлагаар зорчих тохиолдолд зөвхөн ажил-гээр гэсэн маршрутаар зорчих/ нөхцөлийг бүрдүүлж ажиллах.
3. Бага насны хүүхэдтэй /0-12 насны/ эх, өрх толгойлсон эцэг, эхэд гэрээсээ цахимаар ажиллуулах зохицуулалтын арга хэмжээг авч ажиллахыг чиглэл болгов.