КОВИД 19 | Цаг үеийн мэдээллийг ЭМЯ-наас өгнө

Гамшгаас хамгаалах бүх нийтийн бэлэн байдлын зэргээс Гамшгаас хамгаалах өндөржүүлсэн бэлэн байдлын зэрэгт шилжиж, зэрэглэл буурч байгаатай холбогдуулан КОВИД-19-ийн нөхцөл байдлын талаарх өдөр тутмын мэдээллийг 11:00 цагаас Төрийн ордны А танхимаас ЗГХЭГ-ын ХМХГ-аас өгч байсныг зогсоолоо.

Цаашид коронавирусний талаарх өдөр тутмын мэдээллийг ЭМЯ-наас өгөх аж.

Дашрамд дуулгахад, Өнөөдөр 11:30 цагт Ерөнхий сайд Л.Оюун-Эрдэнэ КОВИД-ын эсрэг дархлаажуулалтын вакцины анхны тунг хийлгэх аж.