УВС: Дөрвөн сумын цэцэрлэг, сургуулийн үйл ажиллагааг зогсоолоо

Улаанбаатараас Увс аймагт халдвартай иргэний хавьтал очсон талаар бид өмнө нь мэдээлсэн.

Үүссэн нөхцөл байдалтай холбоотойгоор тус аймгийн Онцгой комиссоос 2021.03.03-ны өдрийн 23:00 цаг хүртэл дөрвөн сумын цэцэрлэг, сургуулийн үйл ажиллагааг зогсоох шийдвэр гаргажээ.

Малчин сумаас 2021 оны хоёрдугаар сарын 23-ны өдөр Улаанбаатар хотод очсон иргэнээс хоёрдугаар сарын 28-ны өдөр Ковид-19 илэрсэн бөгөөд түүний ойрын хавьтал хоёрдугаар сарын 28-ны өдөр Улаангомд ирснийхээ дараа тусгаарлагдсан аж. Тиймээс Улаанбаатар хотод илэрсэн иргэний ойрын хавьтлуудыг тодорхойлж, шинжилгээ авах хүртэл Улаангом, Малчин, Наранбулаг, Зүүнговь сумуудын орж, гарах хөдөлгөөнийг хязгаарласан байна.