Шон Диддигийн шүүх хуралтай холбогдуулан Жастин Бибер МЭДЭГДЭЛ гаргалаа

Дуучин Жастин Бибер реппэр Шон Диддигийн бэлгийн хүчирхийллийн гэмт хэрэгтэй холбогдуулан анх удаагаа мэдэгдэл хийжээ. Түүнийг Шон Диддигийн бэлгийн хүчирхийлэлд өртөж байсан гэх мэдээлэл удаа дараа цацагдаж байсан бөгөөд Жастин Бибер түүний хохирогч болж байгаагүй гэдгээ албан ёсны төлөөлөгчөөрөө дамжуулан мэдэгдсэн байна. 

Уг мэдэгдэлд Жастин бага байхдаа Шон Диддитэй хамтран ажиллаж байсан ч түүний хохирогч болж байгаагүй тухай дурдан, олон нийтийг уг хэргийн жинхэнэ хохирогчдод анхаарлаа хандуулахыг уриалжээ. 

Шон Дидди Комбсын хувьд өмнөх найз бүсгүй болох Кэсси Вентура болон бусад хэд хэдэн хүнд бэлгийн хүчирхийлэл үйлдсэн хэрэгт буруутгагдан шүүгдэж байгаа бөгөөд түүнд холбогдох шүүх хурал энэ сарын 5-ны өдөр эхэлсэн. Тэрээр өөрийгөө гэм буруугүй хэмээн үзэж буйгаа мэдэгдсэн бол хуучин найз бүсгүй Кэсси Вентура нь шүүх танхимд гэрчийн суудалд суун түүний хийдэг байсан үйлдлүүдийг нэгд нэгэнгүй ярьсан байна.