Бүйлсээс олдсон нууцлаг ашигтай шинж чанарууд

Бүйлс нь цусан дахь муу холестерины хэмжээг бууруулдаг

Өдөр бүр бүйлс идэх нь цусан дахь "муу" холестерины түвшинг бууруулж, зүрх судасны өвчнөөр өвчлөх эрсдлийг бууруулдаг байна. Орегон мужийн их сургуулийн Линус Полингийн хүрээлэн болон Нийгмийн эрүүл мэндийн коллежийн эрдэмтэд ийм дүгнэлтэд хүрсэн байна.

Судалгаанд хэвлийн хөндийн таргалалт, цусны даралт ихсэх, цусан дахь сахарын хэмжээ ихсэх, "сайн" холестерин бага, триглицеридын түвшин өндөр байдаг бодисын солилцооны синдром гэж оношлогдсон насанд хүрэгчид хамрагдсан.

Оролцогчдыг хоёр бүлэгт хуваасан: нэг нь 12 долоо хоногийн турш өдөр бүр 45 орчим бүйлс (320 килокалоритой тэнцэх) иддэг байсан бол нөгөө нь жигнэмэг хэлбэрээр ижил хэмжээний илчлэг авчээ.

Дөрөвхөн долоо хоногийн дараа эхний бүлгийн оролцогчид Е витамины түвшин нэмэгдсэнийг харуулсан. Энэ нь эсийг чөлөөт радикалуудын (тогтворгүй молекул) гэмтлээс хамгаалахад тусалдаг хүчтэй антиоксидант юм.
Түүнчлэн, бүйлс идсэн хүмүүс цусны судасны хананд товруу үүсгэдэг нийт болон "муу" холестерины түвшин буурч байгааг харуулсан. Үүнээс гадна гэдэсний тойрогт эерэг өөрчлөлт гарч, бүсэлхийн тойргийн хэмжээ буурч байгааг тэмдэглэв.

Эрдэмтдийн үзэж байгаагаар Е витамины дутагдал нь олон хүмүүст түгээмэл байдаг бөгөөд бүйлсний тогтмол хэрэглээ нь хоолны дэглэм дэх энэ цоорхойг нөхөхөд тусалдаг
Судалгааны зохиогчид самарыг эсрэг заалтгүй, ялангуяа зүрх судасны өвчнөөр өвчлөх эрсдэлтэй хүмүүсийн өдөр тутмын хоолны дэглэмд оруулахыг зөвлөж байна.