Х.Нямбаатар: Үндэсний цэцэрлэгт хүрээлэнд хоёр хаалга нэмж гаргана
Иргэд олон нийт, ялангуяа Хан-Уул дүүргийн 17, 18 дугаар хороо, Баянзүрх дүүргийн 26, 36 дугаар хорооны иргэдээс ирүүлсэн санал хүсэлтийн дагуу Үндэсний цэцэрлэгт хүрээлэнд хоёр хаалга нэмж барих, мөн Үндэсний цэцэрлэгт хүрээлэнд хийгдэх бүтээн байгуулалтын ажлуудыг хоорондоо уялдаатай төлөвлөх талаар өнөөдөр хотын дарга Х.Нямбаатар мэдээлэл өглөө.
Хотын дарга Х.Нямбаатар “Үндэсний цэцэрлэгт хүрээлэнг иргэдэд илүү хүртээмжтэй болгох зорилгоор “Маршал таун” хотхон тал руу зүүн тийш нэг орц гарц буюу хаалга, мөн цэцэрлэгт хүрээлэнгийн баруун хойно “И-Март” чиглэлээс орох хаалга гаргах үүргийг холбогдох албаны хүмүүст өгч байна. Надтай хамт өнөөдөр ажиллаж байгаа Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг, Хот төлөвлөлт, судалгааны институт ОНӨААТҮГ-ын дарга Р.Амартүвшин, Үндэсний цэцэрлэгт хүрээлэн ОНӨТҮГ-ын дарга Ё.Нямжав, Хан-Уул, Баянзүрх дүүргээс сонгогдсон НИТХ-ын төлөөлөгч нар энэ ажилд анхаарах нь зүйтэй. Хүйтрэхээс өмнө хаалга нээх ажлыг зохион байгуулж, холбогдох зардлыг УБЗАА-ны Хот тохижилтын зардлаас гаргаж шийд. Хаалга барихдаа явган хүний замыг мөн давхар шийдэж өгөх хэрэгтэй” гэв.
Үргэлжлүүлэн Үндэсний цэцэрлэгт хүрээлэнгийн баруун урд хийгдсэн бүтээн байгуулалтын талаар хотын дарга Х.Нямбаатар тайлбар өглөө. Тэрбээр “2014 онд тухайн үеийн нийслэлийн Засаг дарга Э.Бат-Үүлийн захирамжаар “Хан Талст” компанид амралт зугаалга, наран шарлагын газар, усан бассейн байгуулах зориулалтаар Үндэсний цэцэрлэгт хүрээлэнгийн газраас 15 га орчим газрыг өгсөн. Үүнээс 11 га талбайд тохижилт бүтээн байгуулалтын ажил хийх гэрээтэй. Гэрээний хугацаа дууссан байна. Тиймээс тус компанийн захиралтай ярилцаж, НИТХ-аар асуудлыг оруулах, Үндэсний цэцэрлэгт хүрээлэн, “Хан Талст” компанийн бүтээн байгуулалтыг харилцан уялдуулах чиглэлээр анхаарна. Үндэсний цэцэрлэгт хүрээлэнд дахин хөшөө, барилга байгууламж барихгүй, талбай цементлэхгүй байх тал дээр Ё.Нямжав даргатай хэлэлцэж, хэсэгчилсэн ерөнхий төлөвлөгөөнд батлуулна” гэдгийг онцоллоо.
Түүнчлэн дэлхийн далайн хавны хамгийн том судалгааны хүрээлэнгийн нэг ОХУ-ын Эрхүү мужийн Байгаль нуурын судлалын хүрээлэнгээс Үндэсний цэцэрлэгт хүрээлэнд хүүхдүүдэд зориулсан далайн хавны аквариум байгуулах, ингэхдээ зардлаа өөрсдөө 100 хувь хариуцах санал гаргажээ. “Хан Талст” компанийн хийх бүтээн байгуулалттай далайн хавны аквариумыг уялдуулах, иргэд, хүүхдүүд цэцэрлэгт хүрээлэнгээр зугаалахдаа амралт зугаалгын цогц үйлчилгээг авдаг байх, төр, хувийн хэвшлийн түншлэлийг хөгжүүлэх чиглэлд анхаарч ажиллахаа хотын дарга Х.Нямбаатар уулзалтын төгсгөлд хэллээ.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Холбоотой мэдээ
Сэтгэгдэл ( 6 )
Кредитите Albaker предлагат парични заеми от 5 000 до 50 000 евро, а също така финансираме проекти от 50 000 до 300 000 евро на годишна лихва за всяко лице или фирма, които се нуждаят от заем. Пари за задоволяване на част от нуждите им.\nАко имате нужда от помощ, моля, уведомете ни колко имате нужда и желания период на изплащане. Бърз кредит и безкраен стрес при плащанията. Имейл: albakerloanfirm@gmail.com\nWhatsApp 13075431042
Хан талст компани их зөв шийдвэр сэдлүүдийг гаргасан байна . Үүнийг сайн дэмжээд тэр наран шарлагын сайхан талбайтай болох ,том аквариумтай болох ,мөн дагаад идэш ууш ,үзвэр үйлчилгээний газрууд байгуулбал гоё доо хөгжилтэй улсуудад байдаг л үйлчилгээ шүү дээ
Аливаа асуудлыг бага гэлтгүй анхааран шийвэрлэдэг Нямбаатар даргад улам ихийг хийж бүтээхийг хүсье. Хот маань эзэнтэй байгаад нь сэтгэл хангалуун, тайван байдаг шүү.
SEXSEER UILCHLNE80955877 VANXANDI
МАНгарууд нээрээ үнэн тэнэг юм, иймхэн юмыг заавал хамаг бүдүүн дарга нь ирж шийддэг шаасн, ямар ч эрүүл ухаантай хүн заавал ийм дээрээ хүрч байж хийх шаардлагагүй тодорхой байсан шд, Нямбаатар аа наад арга барил чинь явахгүй байна, доод пялдаг псдануудаараа ажлыг нь хийлгээч\n
Зогсоол сайн бариарай