"Улаанбаатар хотод шатахууны нийлүүлэлт харьцангуй тогтворжсон" гэв
Аж үйлдвэр, эрдэс баялгийн Дэд сайд Б.Энхтүвшин шатахууны нийлүүлэлтийн талаар мэдээлэл өглөө.
Энэ тухай тэрээр "Энэ оны 12 сард ОХУ-аас нийт 83600 тонн АИ-92, дизелийн түлш 134200 тонн, АИ-95, 1560 тонн автобензинийг авахаар нийлүүлэгч талтай гэрээлсэн.
Өнөөдрийн байдлаар 62719 тонн АИ-92 автобензин 2387 тонн АИ-95 автобензин 168700 тонн дизелийн түлш, ТС-1 буюу онгоцны түлш 9780 тонныг Сүхбаатар, Цагааннуур, Эрээнцав Боршоо, Булган, Зам-Үүд боомтуудаар оруулж ирлээ.
Өчигдөр БНХАУ-аас 26 вагон АИ-95 автобензин орж ирээд одоо хуваарилалтууд хийгдэж байна. Дахин 26 вагон нарийн царигаар Замын-Үүд Боомтод орж ирсэн.
Одоогоор шилжүүлэн ачилт хийгдэж байна. Эдгээр 26 вагон бол дизелийн түлш юм.
Үргэлжлүүлэн БНХАУ-аас 7000 гаруй тонн АИ-95 автобензин орж ирнэ. Болж өгвөл ондоо багтаан авахыг хичээж байна. Өнөөдрийн байдлаар Улаанбаатар хотод АИ-92, АИ-95 автобензин, дизелийн түлш харьцангуй тогтворжсон.
Өнөөдөр өглөөнөөс эхлээд орон нутаг руу шатахуун нийлүүлэлтээ ачиж байна. Төвийн бүс, Хангайн бүсэд өөрсдийн гэсэн шатахуун хадгалах сав байдаггүйгээс шууд авто цистернээс буулгаад борлуулалтаа хийгдэнэ.
Ингэснээр өнөөдөр оройноос маргааш орой гэхэд тогтворжино. Мөн ОХУ-аас нийлүүлэгдэх 20 орчим мянган тонн АИ-92 автобензинийг энэ долоо хоногтоо нийлүүлэхээр өчигдөр ОХУ-ын Эрчим хүчний сайдтай хуралдлаа.
АҮЭБЯ-нд нийлүүлэлтэй холбоотой Дэд сайдаар ахлуулсан ажлын хэсэг гараад ОХУ-ын Эрчим хүчний дэд сайдаар ахлуулсан ажлын хэсэгтээ хуралдлаа. Бидний зүгээс дахин нийлүүлэлтийг нэмэгдүүлэх хүсэлтээ тавьж, ОХУ-ын талаас хүсэлтийг хүлээн авахаа илэрхийлсэн" гэлээ.
Холбоотой мэдээ
Сэтгэгдэл ( 0 )