Үзэгчдэд 3D технологийн гайхамшгийг мэдрүүлнэ

Сүүлийн жилүүдэд Монголын кино урлагт нэгэн үеийн олон залуу уран бүгээлчид хүч түрэн орж ирж байгааг манай үзэгчид сайн мэднэ. Тэдний нэг болох "Ийм нэгэн дурлал", "Миний хөрш чөтгөр", "Амьдралын амт", "Дэв" зэрэг киноны зохиолуудыг бичиж,"Боловсрол суваг" телевизийн "Кино үзэх цаг" нэвтрүүлгийг хөтлөхөөс гадна үзэгчдийн үзэх дуртай олон зуун орчуулгын кинонд дуу оруулсан кино зохиолч, найруулагч, жүжигчин А.Миеэгомбо кинонд дуртай үзэгчдэдээ зориулан бас нэгэн шинэ бэлэг барих гэж байна.

Энэ бол Монголд анх удаа ЗD технологиор бүтээж байгаа түүний цоо шинэ уран бүтээл бөгөөд одоогоор киноныхоо зураг авалтаа дуусган эвлүүлэг, хөгжмийн ажилдаа оржээ.

Инээдмийн төрлийн энэ шинэ кинонд МУГЖ Н.Нэргүйбаатар, Х-ТҮЦ хамтлагийн жүжигчин Д.Төвшинтөр, УДЭТ-ын жүжигчин Г.Эрхэмбаяр, Г.Алтаншагай, "Захиалгат инээд" хамтлагийн жүжигчин Б.Даулетжан, "Маск продакшн"-ы жүжигчин М.Баярмагнай, УДЭТ-ын жүжигчин Д.Ганцэцэг, Хадбаатар аваргын хүү Х.Даваажав зэрэг олон уран бүтээлчид тогложээ. Монголын үзэгчдэд ЗD технологийн гайхамшгийг мэдрүүлсэн үнэхээр сайн кино болсон гэдэгт уран бүтээлчид нь итгэлтэй байгаа аж.

Эх сурвалж: МОНЦАМЭ