ӨНӨӨДӨР: “Сентеррагоулд Монголия” ХХК-ийн гомдлыг хэлэлцэнэ

09:00 цагт

• “Энхрий үрс эрүүл торниход Эцэг хүний дэмжлэг чухал” уулзалт Blue Sky Tower- ын CRYSTAL зааланд болно. Уулзалтад ЭМЯ, НЭМҮТ, НҮБ-ын Хүүхдийн сан болон Одонтой ээжүүд, аавууд, ахмад үеийн төлөөлөл оролцож, Хүүхдийг хөхөөр хооллолтыг дэмжих олон талт үйл ажиллагаа явуулна. Утас: 91919617

10:30 цагт

• Нийслэлийн Захиргааны хэргийн давж заалдах шатны шүүхэд "Ноён уулаа аврах хөдөлгөөн” НҮТББ-ын нэхэмжлэлтэй, Ашигт малтмал, газрын тосны газрын Кадастрын хэлтэст холбогдох, Нийслэл дэх Захиргааны хэргийн анхан шатны шүүхийн 2019 оны 03 дугаар сарын 15-ны өдрийн 128/ШШ2019/0180 дугаар шийдвэртэй захиргааны хэргийг хариуцагч, гуравдагч этгээд “Сентеррагоулд Монголия” ХХК-ийн итгэмжлэгдсэн төлөөлөгчид болон өмгөөлөгч, Монгол Улсын Засгийн газрын итгэмжлэгдсэн төлөөлөгч нарын давж заалдах гомдлыг хэлэлцэнэ. 

12:30 цагт

• "Токио-2020" хөтөлбөрийн хүрээнд Японы Шизуока мужийн төлөөлөгчид манай улсад айлчилж байна. Төлөөлөгчдийг БСШУС-ын дэд сайд Г.Ганбаяр БСШУСЯ-ны IV давхрын уулзалтын танхимд хүлээж авч уулзана.