ӨНӨӨДӨР: "Тост, Тосон бумба" үндэсний хэлэлцүүлэг болно

08:00 цагт

• “Байгаль хамгаалах говийн иргэдийн санаачилга”, “Эрс шинэчлэл" хөдөлгөөн, “Уугуул хөдөлгөөн” ТББ-аас зохион байгуулах “Тост, Тосон бумба” үндэсний хэлэлцүүлэг Төрийн ордны Иргэний танхимд болно. Утас: 94091377

10:00 цагт

• “Байгаль хамгаалах говийн иргэдийн санаачилга”, “Эрс шинэчлэл" хөдөлгөөн, “Уугуул хөдөлгөөн” ТББ-аас Сүхбаатарын талбайд тайван жагсаал зохион байгуулна. Тайван жагсаалд оролцогчид ирвэс хамгаалагч Т.Лхагвасүмбэрэлийн амь насыг бүрэлгэсэн хэргийг дахин шалгаж, захиалагч, гүйцэтгэгчийг үнэн зөвөөр тогтоон, хуулийн дагуу хариуцлага хүлээлгэхийг шаардахын сацуу Өмнөговь аймгийн Гурван тэс сумын нутаг дахь Тост, Тосон бумбын бүс нутгийг хамгаалах асуудлаар гарын үсэг цуглуулж, уриалга гаргана. Үргэлжлэх хугацаа 10:00-18:00. Утас: 94091377

11:00 цагт

• Батлан хамгаалахын дэд сайд Т.Дуламдорж, БСШУС-ын дэд сайд Г.Ганбаяр, болон их, дээд сургуулиудын захирлууд “Оюутан цэрэг” хөтөлбөрийн явцтай танилцана. Утас: 88111619
• Нийслэлийн Хэвлэл, мэдээллийн төвд Улаанбаатар хотод зөвшөөрөлгүй барьж буй барилгуудын талаар нийслэлийн Зам, тээврийн асуудал хариуцсан төслүүдийн удирдагч Б.Отгонсүх болон НМХГ, НОБГ, НХБХГ, НАЗХГ-аас мэдээлнэ.

11:30 цагт

• Төрийн ордонд УИХ-ын гишүүн Л.Болд, Ж.Батзандан нар цаг үеийн асуудлаар мэдээлнэ.