ОРХОН: Халдвар авсан 4 хүүхдийн анги, танхим, багшийг тогтоож байна

Орхон аймагт коронавирусний 13 тохиолдол бүртгэгдсэнийг өмнө нь мэдээлсэн. Тэгвэл 13 тохиолдлын дөрөв нь сургуулийн насны хүүхдүүд болохыг тус аймгийн Онцгой байдлын газрын дарга Г.Ганбаатар мэдээллээ.

Халдвар илэрсэн дөрвөн сурагчийн анги, танхим, багш, уулзсан хүүхдүүдийг тогтоох ажил явагдаж байгаа аж. Коронавирусээр халдварласан 13 иргэний ихэнх нь төмөр замын ойр ажиллаж, амьдардаг иргэд юм байна.

Орхон аймаг шаардлагатай тохиолдолд иргэдийг тусгаарлах байр бэлтгэж, “Эрдэнэт”, “Дээдэс”, “GOLD” гэх мэт томоохон зочид буудлуудын бэлэн байдлыг ханган ажиллаж байна. 

Аймгийн хэмжээнд  коронавирусний шинжилгээ авах 13 цэгийг нэмж байгуулахаар болжээ.