Үндэсний яаралтай тусламжийн багийн сургалтад хамрагдаж байна

Б.Батчимэг | Zindaa.mn
2022 оны 09 сарын 23

Эрүүл мэндийн яамнаас ОБЕГ, Гэмтэл согог судлалын үндэсний төв, ДЭМБ-ын суурин төлөөлөгчийн газартай хамтран “Эрүүл мэндийн яаралтай тусламжийн баг (EMT) байгуулах” стратеги төлөвлөлтийн семинарыг энэ сарын 21-23-ны өдрүүдэд зохион байгуулж байна.

Энэхүү баг байгуулагдснаар олныг хамарсан гамшиг, нийгмийн эрүүл мэндийн онцгой байдлын үед дайчлагдан ажиллаж осол гэмтэлд өртсөн нэрвэгсдийг аврах, эмнэлгийн яаралтай тусламж, үйлчилгээг цаг алдалгүй үзүүлэх боломжтой болох юм.

Сургалт нь багийн ажил, бүлгийн хэлэлцүүлэг, онол хослон явагдаж байгаагаараа онцлог бөгөөд багийн ажлыг ДЭМБ-ын мэргэжилтнүүд чиглүүлэн санал солилцож байна.

Сургалтад ЭМЯ-ны харьяа байгууллагууд, ОБЕГ, Цэргийн төв эмнэлэг, Төрийн тусгай алба хаагчдын нэгдсэн эмнэлэг, НЭМГ, Монголын яаралтай тусламжийн нийгэмлэгийн нийт 60 эмнэлгийн мэргэжилтэн, алба хаагчид хамрагдаж байгаа юм.

Эх сурвалж: Онцгой байдлын ерөнхий газар

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top