Өнгөрсөн оны трэнд үг

Автор | Zindaa.mn
2023 оны 01 сарын 01

Улныхан - Хөдөлмөр нийгмийн хамгааллын сайдаар томилогдоод сар ч болоогүй байсан Сараа сайд ядуу иргэдийг “Улныхан” хэмээсэн нь нийтийн шүүмжлэлд өртөж, суудлаасаа огцроход хүргэсэн юм.

Байгалаа - Орос гуравдугаар сургуулийн захирал асан Ж.Соронзонгийн хэлсэн үг сошиалд тренд болов. Тэр нь “Байгалаа”.

Өлөн - Татварын ерөнхий газраас и-баримт бүртгэлийн сурталчилгаа хийхдээ “Чи ямар өлөн юм бэ” гэх үг ашигласан нь олны шүүмж гэхээс илүү нийтийн элэг доог болов.

Зайсанд хүртэл утаа үнэртэж байна - М.Оюунчимэг гишүүний хэлсэн энэ үг мөн л олны эгдүүцлийг хүргэж, интернэт орчинд нэг хэсэгтээ  ярианы сэдэв болсон юм.

Аргална даа - Эрчим хүчний сайд Б.Чойжилсүрэнгийн хэлсэн энэ үг нүүр номд нэлээн “сэвэгдэв”. Салбартаа үүссэн хүндрэлийг хэрхэн шийдэхээ хэлээгүй ч тэрбээр “Аргална даа” хэмээх үгээр олны амыг тагласан юм.

Би долоодугаар ангиасаа хойш нүүрсэнд гар хүрч үзээгүй - Нүүрсний хулгайд нэр нь холбогдсон Б.Анандбазар гишүүн өөрийгөө хэрэгт ямар ч холбоогүй гэж зарлахдаа хийсэн тайлбар нь энэ байлаа.

60 саяын цэцэг - Олны атаархал, анхаарал, гайхашралыг төрүүлж, цахим орчинд тэсрэлт хийсэн нэгэн үйл явдал бол яах аргагүй “60 саяын цэцэг” байлаа.

Эгүнэ - Дижитал хотын төлөвлөлтийн төсөлтэй танилцах үеэр Хотын дарга Д.Сумъяабазар “Эгүнэ”-гийн онигоонд орсон юм. Тэрбээр монгол хэл ойлгодог анхны виртуал модель “Эгүнэ” гэгчтэй ойлголцох гэж чамгүй хичээсэн юм.

Серёжа - Энэ нэр ямар утгатай, яадаг хүн юм гэдгийг та мэдэхгүй байж болох ч ямарваа нэгэн байдлаар таныг сонссон гэхэд хилсдэхгүй байна.

Эх сурвалж: Өглөөний сонин 

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top