Туслах малчин олон тооны адуу хулгайлжээ

2019 оны 11 сарын 09

Айлын туслах малчнаар ажиллаж байсан иргэн хулгайн гэмт хэрэг үйлджээ.

Сүхбаатар аймагт оторлож байсан отрын адуучны туслах малчнаар ажиллаж байсан Төв аймгийн харьяат М нь бусадтай бүлэглэн тухайн малчныхаас 2019 оны долоодугаар сард бусдын гурван тооны адуу, наймдугаар сард бусдын 15 тооны адуу хулгайлжээ. Мөн этгээд есдүгээр сард бусдын 13 тооны адуу болон хоёр мотоцикль зэргийг хулгайлсан байна. Түүний үйлдсэн 25 сая төгрөгний хохирол учруулсан гэмт хэргийг Мөнххаан сум дахь Сум дундын цагдаагийн хэсгийн алба хаагчид илрүүлэн холбогдох шалгалтыг хийж байна.

Иргэд та бүхэн туслах малчин, туслах уяач нарыг сонгож ажиллуулахдаа өөрсдийн сайн таниж, мэдэх хүнээ ажиллуулбал өөрийгөө болон бусдыг гэмт хэргийн хохирогч болохоос урьдчилан сэргийлэх боломжтой гэдгийг Сүхбаатар аймгийн цагдаагийн газраас сэрэмжлүүллээ.

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
иргэн(192.82.74.46) 2019 оны 11 сарын 10

Чононд хонь хадгалуулна гэгч болж дээ. Бүрэн бүтэн тоо толгой мэнд онд оруулвал хойтон жил чамд /урь унаж ус гэсэхээр /энэ адуунаас чамд унагатай гүү өгнөө гээд амлаж болоогүй юу. Одооны 1000 тууд чадахгүй ээ,чадахгүй.

0  |  0
Sain(202.179.31.100) 2019 оны 11 сарын 10

Sain erchuud

0  |  2
Top