ЭМЯ: Дарханд бүртгэсэн сэжигтэй тохиолдлоос коронавирус илрээгүй

Тайваньд зорчоод ирсэн Дархан-Уул аймгийн иргэн халуурах шинж тэмдэг илэрсэн тул өчигдөр /2020.02.06/ өөрийн хүсэлтээр аймгийнхаа эмнэлэгт хандаж, тухайн иргэнийг тусгаарлаж, шинжилгээ аваад байсан юм.

Шинжилгээний хариу өнөөдөр гарч, тухайн иргэн коронавирусийн халдваргүй болох нь тогтоогджээ.

Энэ талаар өнөөдөр ЭМЯ-аас өгсөн мэдээллийн үеэр ХӨСҮТ-ийн ерөнхий захирал Д.Нямхүү “Дархан-Уул аймагт тусгаарласан иргэний хариу сөрөг гарсан. Вирус илрээгүй. Мөн ХӨСҮТ-д БНСУ-аас ирсэн хоёр иргэнийг тусгаарлаж, шинжилгээ авсан. Шинжилгээний  хариу сөрөг гарсан, коронавирус илрээгүй” гэлээ.