ХӨЛ ХОРИО: Шүдний төв, эмийн сангууд 24 цагаар ажиллана

Б.Гантуяа | Zindaa.mn
2021 оны 02 сарын 10

Бүх нийтийн бэлэн байдлын зэрэгт шилжиж байгаатай холбогдуулан Нийслэлийн Эрүүл мэндийн газраас тусламж үйлчилгээний талаар зарим мэдээллийг өглөө.

Хатуу хөл хорионы үеэр эмнэлгийн тусламж үйлчилгээ үзүүлэх байгууллагууд өндөржүүлсэн бэлэн байдалд ажиллана. Энэ үед яаралтай түргэн тусламжаар иргэдийг эмнэлэгт хүргэхдээ ар гэрээс нь сахиур авч явахгүй. Хэрэв зайлшгүй тохиолдолд тухайн өвчтөнд сахиур шаардлагатай бол насанд хүрсэн, эрүүл хүнийг авч явах ба тухайн эмнэлэгтээ тусгаарлагдах ажээ. 

Түүнчлэн хороо бүрт хоёр эмийн сан 24 цагаар ажиллах ба дүүрэг, хороодод ажиллаж буй эмийн сангийн мэдээлэл хаяг дугаарыг Эрүүл мэндийн яамны хуудаст мэдээлнэ гэлээ. Мөн бүх нийтийн хатуу хөл хорионы хугацаанд Шүд эрүү нүүрний төв, нэгдсэн эмнэлгүүд 24 цагаар ажиллаж, иргэдэд үйлчлэх юм байна.

Top