“Марш-Тусгай бэлтгэлийн цогцолбор” тэмцээний аваргууд тодорлоо

О.Шинэтуяа | Zindaa.mn
2022 оны 05 сарын 25

Монгол Улсын Ерөнхийлөгч, Зэвсэгт хүчний Ерөнхий командлагчийн нэрэмжит “Марш-тусгай бэлтгэлийн цогцолбор” тэмцээний аваргууд тодорлоо. 10 дахь удаа зохион байгуулагдсан “Марш-тусгай бэлтгэлийн цогцолбор” тэмцээний шагнал гардуулах ажиллагаанд Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүх, Үндэсний Аюулгүй Байдлын Зөвлөлийн нарийн бичгийн дарга Ж.Энхбаяр, Ерөнхийлөгчийн Аюулгүй байдал, батлан хамгаалах бодлогын зөвлөх, бэлтгэл дэслэгч генерал Ц.Тогоо, Засгийн газрын гишүүн, Батлан хамгаалахын сайд Г.Сайханбаяр, ЗХЖШ-ын дарга, дэслэгч генерал Д.Ганзориг, Шүүхийн шийдвэр гүйцэтгэх ерөнхий газрын дарга, хурандаа Д.Загджав, төрийн цэргийн болон хууль сахиулах байгууллагуудын удирдлагууд оролцсон юм.

Тэмцээний нэгдсэн дүнгээр:

Хугацаат цэргийн алба хаагчтай салааны төрөлд:

  • Тэргүүн байрт Зэвсэгт хүчний Жанжин штабын ахлах дэслэгч Б.Цэнгэлсүрэн захирагчтай салаа;
  • Дэд байрт Үндэсний Батлан Хамгаалахын Их Сургуулийн ахмад Т.Бямбацогт захирагчтай салаа;
  • Гутгаар байрт Зэвсэгт хүчний Хуурай замын цэргийн командлалын дэслэгч Л.Мөнхбат захирагчтай салаа.

Эмэгтэй тасгуудаас:

  • Тэргүүн байрт Зэвсэгт хүчний Жанжин штабын ахлах дэслэгч Н.Ууганцэцэг захирагчтай тасаг;
  • Дэд байрт Үндэсний Батлан Хамгаалахын Их Сургуулийн ахлах ахлагч П.Ганзаяа захирагчтай тасаг;
  • Гутгаар байрт Дотоод Хэргийн Их Сургуулийн дэслэгч Г.Чимэгсүрэн захирагчтай тасаг тус тус шалгарлаа.

Тэмцээнд тэргүүлсэн алба хаагчдад шагнал гардуулсны дараа Монгол Улсын Ерөнхийлөгч У.Хүрэлсүх нийт бие бүрэлдэхүүнд баяр хүргэлээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top