Хэрлэн голд живж байсан иргэнийг Цагдаагийн алба хаагчид аварчээ

Өчигдөр /2022.07.25/ Хэнтий аймгийн Бор-Өндөр сумын нутагт "Их хурд 9" наадам зохион байгуулагдсан. Тус арга хэмжээнд хамгаалалтад ажиллаад буцаж байсан Бор-Өндөр сумын Цагдаагийн хэлтсийн алба хаагчид "Хэрлэн" голд хөл алдан, живж байсан иргэнтэй таарч, амь насыг нь аварсан байна. 

Тус иргэн нь Сүхбаатар аймгийн Мөнххаан сумын иргэн Т гэгч байсан бөгөөд сумын цагдаа Н.Анхбаяр, Д.Энхбат нар түүний амийг аварч, эрүүл мэндийн байгууллагад хүлээлгэн өгсөн байна. 

Дашрамд өгүүлэхэд тус цагдаагийн алба хаагчид 2021 оны 12 дугаар сараас цагдаагийн байгуулгад ажиллаж байгаа бөгөөд урьд нь өөрийгөө боймлохыг завдсан хоёр иргэний амь насыг мөн аварч байжээ.