Амьсгалын замын халдварт өвчнөөс хэрхэн урьдчилан сэргийлэх вэ?

Сурагчдын улирлын амралт эхэлсэнтэй холбогдуулан амьсгалын замын халдварт өвчнөөс гэр ахуйн нөхцөлд хэрхэн урьдчилан сэргийлэх аргуудыг хүргэж байна.

Эцэг, эхчүүдийн хувьд эдгээр аргуудаас суралцаж, амьдралынхаа өдөр тутмын дадал болгон хэвшүүлэх нь нэн тустай юм.

Гэр орондоо чийгтэй цэвэрлэгээ тогтмол хийх, цэвэр агаар оруулахаас гадна гарын ариун цэврийн дэглэмийг сайтар сахиж, илчлэг сайтай хоол хүнс, витаминаар баялаг аарц, чацарганы шүүс хэрэглэж заншсанаар үр хүүхдээ амьсгалын замын халдварт өвчнөөс урьдчилан сэргийлж, эрүүл өсч бойжих нөхцөл бололцоог нь хангаж байгаа хэрэг юм.
 

Эх сурвалж: Нийслэлийн эрүүл мэндийн газар