КОВИД-19: Эрхүүд 90 хүн тусгаарлах байрнаас зугтаж, барилга дээр ажиллажээ

2020 оны 05 сарын 25

Коронавирусний халдвар эрчимтэй тархаж байгаа ОХУ-ын хамгийн том голомтын нэг нь манай улсад ойрхон Эрхүү муж болоод байна.

Эрхүүд халдварын тоо эрс нэмэгдэж байгаа нь тус мужид байгаа улирлын ажилчидтай холбоотой гэж шинжээчид үзэж байна. Эрхүүд өнгөрсөн 24 цагт 120 шинэ тохиолдол илэрсэн бөгөөд одоогийн байдлаар 1050 хүн халдвартай нь тогтоогдон, эмчлүүлж байгаа юм. Энэ өвчтөнүүдийн 512 нь улирлын чанартай ажил эрхэлдэг хүмүүс байжээ.

Марков тосгонд тусгаарлагдаж байсан сэжигтэй тохиолдол болох 90 ажилчин зугтаж, барилга дээр очоод ажилд орсон байсан гэнэ. Одоо Цагдаагийн газраас тэдэнтэй хавьтсан таксины жолооч, барилгын ажилтнууд, дэлгүүрийн худалдагч нарыг тодруулах ажил хийгдэж байна. 90 ажилчныг саатуулж, нарийн шинжилгээ хийхэд талаас илүү хувьд нь шинж тэмдэггүй коронавирус илэрчээ. Тэднийг Марков тосгонд буцаан аваачиж, эмнэлэгт эмчилж эхэлсэн гэнэ. Хэрэв тэд хэн нэгэнд халдвар тараасан нь тогтоогдвол хуулийн дагуу хариуцлага хүлээлгэх юм.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin(150.129.140.156) 2020 оны 05 сарын 25

ERGUU MALNUUD , MANAYD CH IIM DURAKUUD BAYGAA SHUU , TOLGOI NI OLGOY BOLSON DURAKUUD BAYNA, NIIGEMD YAMAR AYUL UUSGEJ BAYGAAGAA MEDEKHGUY ,

0  |  0
Top