Европын Холбоо Хятадын “Vero Cell” вакциныг судалж эхэлжээ

Европын эмийн агентлаг БНХАУ-ын “Sinovac Life Sciences" компанийн  коронавирусний эсрэг гаргаж авсан “Vero Cell” вакцины судалгааг эхлүүлжээ.

Вакцинд үнэлгээ өгөх судалгаа хийх шийдвэрийг тус вакцины эмнэлзүйн өмнөх лабораторийн судалгаа болон эмнэлзүйн туршилтын үр дүнд үндэслэн гаргажээ. Европын эмийн агентлаг тус бэлдмэлийн давуу тал эрсдэлээс илүү гарч буй эсэх, тус вакциныг Европын холбоонд худалдаалах зөвшөөрөл авахад шаардлагатай хангалттай баримт мэдээлэлтэй болох хүртэл судлах гэнэ. Тус агентлаг нь “Vero Cell” вакцин ЕХ-ны дүн, аюулгүй байдал, чанарын стандартад нийцэж буй эсэхийг үнэлэх юм байна.

Өдгөө Европын эмийн агентлаг Оросын “Sputnik V”, Германы “CureVac” компанийн “CVnCoV” болон АНУ-ын “Novavax” компанийн “NVX-CoV2373” зэрэг гурван вакцины үнэлгээ хийж байгаа юм. Одоогийн байдлаар, Европын Холбоонд “Pfizer/BioNTech”, “Moderna”, “AstraZeneca” болон “Johnson&Johnson” вакциныг хэрэглэхийг зөвшөөрөөд байна. Түүнчлэн, Европын комисс Франц, Британийн хамтарсан “Sanofi-GSK”, Германы “CureVac” компанитай вакцин худалдан авах гэрээ байгуулаад байгаа юм.