БЗД: 2023 оныг "Хүний хөгжил"-ийн жил болгон зарлалаа

Баянзүрх дүүргийн ИТХ-ын ээлжит 9 дүгээр хуралдаан өнөөдөр /2022.12.16/ амжилттай болж дүүргийн 2023 оны төсөв, газар зохион байгуулалтын төлөвлөгөөг амжилттай хэлэлцэж тус жилийг "ХҮНИЙ ХӨГЖИЛ"-ийн жил болгон зарлалаа

Энэ хүрээнд  дүүргийн төсвийн хөрөнгөөр

-27 байршилд 18.9км авто зам - Тус замууд хийгдсэнээр гэр хорооллын бүсийн гудамжнууд авто замтай болж шороо тоос бий болох, түгжрэл тодорхой төвшинд буурна.

-Гэрэлтүүлгийн ажил - Ингэснээр дүүргийн гэр хорооллын бүсийн иргэдийн аюулгүй байдлыг хангаж, харанхуй гудамжгүй болно.

-Хүүхэд залуучуудын чөлөөт цагийг зөв боловсон өнгөрүүлэхэд чиглэсэн 3х3 олон улсын стандарт бүхий сагсан бөмбөгийн талбайг шинээр 15 хороонд хийх

-Хөгжлийн бэрхшээлтэй иргэдийн спорт цогцолбор

-4,16-р хороог жишиг хороо болгож Хөгжлийн бэрхшээлтэй иргэд үйлчилгээ авах, хүртээмжтэй байдлыг хангах

-Сургуулийн ойр орчмын аюулгүй байдлыг хангах

-Цэцэрлэг сургуулийн анги танхим, тоног төхөөрөмжийн засвар

-Дарь эх цогцолборын тохижилтын ажил

-Насан туршийн боловсролын төв байгуулах

-Дүүргийн 20,23,28-р хорооны 300га талбайд хийгдэж буй IGM - Олон улсын эко цэцэрлэгт хүрээлэнгийн явган зам, дугуйн замын тохижилтын ажлыг эхлүүлэх

-2022 онд эхлүүлсэн ч 100% дуусаагүй тохижилт бүтээн байгуулалтын ажлуудыг гүйцээх зэрэг ажлууд багтаж байна.

Энэ удаагийн хурал цахим болон танхим хэлбэрээр 93 хувийн ирцтэй эхэлсэн бөгөөд дүүргийн төсөвт суусан ажил бүр "Хөгжлийн зураглал - 2030" бодлогын баримт бичигт туссанаараа онцлог байлаа гэж Баянзүрх дүүргээс мэдээллээ.