ӨГЛӨӨНИЙ МЭНД
Өнөөдөр 2023.03.01. Билгийн тооллын 10. Монгол эх оронд маань нар 07 цаг 34 минутад мандлаа. 18 цаг 35 минутад жаргана. 2023 оны 60 дахь өдөр бөгөөд он дуустал 305 өдөр үлдэж байна.
Улаанбаатар хотод цэлмэг. Өдөртөө 1 хэм дулаан, шөнөдөө -12 хэм хүйтэн. Та хувцсаа тохируулж өмсөөрэй.
Өнөөдөр НҮБ-ын Ялгаварлан гадуурхахын эсрэг өдөр, Дэлхийн далайн ургамлын өдөр бол Болгарт Баба Марта, Босни Херцеговинад Тусгаар тогтнолын баяр, Исланд улсад Шар айрагны баяр, Маршаллын арлуудад Дурсгалын өдөр, БНСУ-д Тусгаар тогтнолын хөдөлгөөний өдөр, Молдавт Хаврын баяр, Польшид Коммунизмын эсрэг тулалдсан дайчдын баярын өдрийг тэмдэглэн өнгөрүүлж байна.
Энэ өдөр Канадын дуучин Жастин Бибер, Хятадын олимпын хошой аварга, усанд сэлэлтийн тамирчин Е Шивэнь, Америкийн рэп дуучин Ke$ha, Оскарын шагналт, Ганын жүжигчин Лупита Нионго, Испанийн жүжигчин, Оскар, Алтан Бөмбөрцөг шагналт Хавьер Бардем, Германы Modern Talking хамтлагийн дуучин Томас Андерс, Олимпын 6 алтан медальт, Японы гимнастикчин Акинори Накаяма, АНУ-ын найруулагч Рон Ховард нарын алдартнууд мэндэлжээ.
Энэ өдөр дэлхий дахинд болсон онцлох үйл явдлууд:
1555 - Нострадамус зөгнөлийн номоо хэвлүүлэв.
1565 - Бразилын Рио де Жанейро хот байгуулагдав.
1790 - АНУ-д хүн амын тооллого анх удаа болжээ.
1869 - Дмитрий Менделеев үелэх системээ нээв.
1947 - Олон улсын валютын сан (ОУВС) үйл ажиллагаагаа явуулж эхэлсэн байна.
1920 – Буриадын автономит БНУ байгуулагдав.
1995 - Интернетийн хайлт, харилцаа холбооны Yahoo компани байгуулагджээ.
1995 – Москвад алдарт нэвтрүүлэгч Влад Листьев алагдлаа.
1998 - Жеймс Камероны найруулсан "Титаник" кино орлого нь тэрбум долларын босгыг давсан анхны кино болов.
2003 - Олон улсын гэмт хэргийн шүүх Голландын Гааг хотноо анхны хуралдаанаа хийжээ.
Өнөөдөр үс засуулвал сайн, эрч хүч ихэснэ.
Эл өдөр бар, нохой жилтнүүд аливаа үйлийг хийхэд эерэг сайн бол могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнес эхлэх, эд агуурс авах, зээл авах, арвижуулах, дэлгэрүүлэх үйлийг эхлүүлэх, угаал үйлдэх, тангараг тавих, гэр байшингийн суурь тавихад сайн. Харин гэр бүрэх, хэрүүл тэмцэл хийхэд муу. Өдрийн сайн цаг нь хулгана, үхэр, туулай, морь, бич, тахиа.
Хол газар явах бол хойш мөрөө гаргаад аян замдаа гараарай.
Өнөөдрийн ажилд тань амжилт хүсье.
Сэтгэгдэл ( 0 )