ДЭМБ: Залуучуудын дунд халдвар голомтлон тархаж байна

Шинэ төрлийн коронавирусний халдвартай холбогдуулан Эрүүл мэндийн яамнаас өдөр бүр 11:00 цагаас мэдээлэл хийж байгаа билээ. Өнөөдрийн /2020.06.23/ коронавирусний халдвар, тархалтын нөхцөл байдлын талаарх мэдээллийг хүргэж байна.

Өнөөдрийн байдлаар дэлхийн 216 орон, нутаг дэвсгэрт нийт 9186 сая халдварын тохиолдол илэрч, 473  мянган хүн нас баржээ. Дэлхий дахинд нийт 4.9 сая хүн эдгэрч, 3.7 сая өвчтөн эмнэлэгт эмчлүүлж байна.  Сүүлийн 24 цагт Бразилд 14 мянга, АНУ-д 23 мянга, Энэтхэгт 15 мянган тохиолдол илэрлээ.

Эдгээр нь өндөр өвчлөлтэй эхний гурван орон. ДЭМБ өндөр хөгжилтэй орнуудад тархалт өндөр байгаа нь санаа зовоож байна гээд сүүлийн үед залуучуудын дунд халдвар голомтлон гарч буйг сэрэмжлүүлжээ.  

Өчигдөр 24 цагийн дотор ОХУ-д 7250 гаруй  шинэ тохиолдол илэрсэн. Сүүлийн 24 цагт Буриад, Эрхүү, Тува, Читад илэрсэн тохиолдол 24-150-оор нэмэгдлээ.

Орон нутгийн 17 чиглэлийн галт тэргэнд 5000 гаруй хүнд шинжилгээ хийхэд хариу бүгд сөрөг гарсан байна.

119 дугаарт 161  дуудлага ирж, эмнэл зүйн шинж тэмдгийн тухай зөвлөгөө авчээ. Нийт утасдсан хүмүүсийн 60 гаруй хувь нь амны хаалт зүүхгүй байна гэсэн гомдлыг ирүүлсэн гэж  ЭМЯ-наас мэдээллээ.