ЭМЯ | Халдварын тохиолдол хоёроор нэмэгдэж, нэг хүн эдгэрлээ

Эрүүл мэндийн яамнаас коронавируст цар тахлын нөхцөл байдлын талаар ээлжит мэдээлэл хүргэхэд хоёр хүнээс нэмж халдвар илэрсэн тухай мэдээллээ.

Халдвар илэрсэн хоёр хүн нь Алтанбулгийн боомтоор орж ирсэн бөгөөд Дархан-Уулаас ХӨСҮТ-д тусгаарлагдсан болон Орхон аймагт тусгаарлагдсан 20-24 насны эмэгтэйчүүд байсан байна.

Харин нэг сайн мэдээ байгаа нь ХӨСҮТ-д 50 хоног эмчлүүлсэн 24 настай эмэгтэй эдгэрч дараагийн шатны сувилалд шилжлээ.

Ингэснээр Монгол Улсад коронавирусний батлагдсан 227 тохиолдол бүртгэгдэж, 195 хүн бүрэн эдгэрээд байна.

Одоогоор 32 хүн ХӨСҮТ-д эмчлүүлж байгаагаас нэг өвчтөний биеийн байдал хүндэвтэр байна.