Усэйн Болт коронавирусний халдвар авчээ
Дэлхийн хамгийн хурдан хүн, олимпын 8 удаагийн аварга Усэйн Болт өнгөрсөн Бямба гарагт өгсөн коронавирусний шинжилгээний хариу нь эерэг гарсан байна.
Болт инстаграм хуудсаараа дамжуулан “Коронавирусний халдвар авснаа мэдэгдэж байна. Бусдад халдаахгүйн тулд өөрийгөө тусгаарлан, хорионд байна. Ямар нэг шинж тэмдэггүй илэрсэн” гэж энэ мэдээг баталсан юм.
The Sun сонинд бичсэнээр өнгөрсөн долоо хоногт Болт төрсөн өдрөө тэмдэглэн, үдэшлэг зохион байгуулсан бөгөөд үдэшлэгт "Манчестер Сити" багийн Рахим Стерлинг, Германы "Байер" багийн Леон Бэйли нар байжээ. Одоо Эрүүл мэндийн газраас үдэшлэгийн зочдыг шинжилгээнд хамруулж эхлээд байна. Бичлэг, гэрэл зургаас үзэхэд зочид ямар ч маск хамгаалалтгүй байжээ.
Ямайкад нийт COVID-19-ийн 1413 тохиолдол бүртгэгдсэнээс 16 хүн амиа алдсан юм.
Холбоотой мэдээ
Сэтгэгдэл ( 0 )