Хөвсгөр баатартай анхны хүүхэлдэйн киног танилцуулав

“Walt Disney” кино компани хүүхэлдэйн киноны анхны хөвсгөр гол дүрийн баатраа танилцуулжээ.

“Reflect /тусгал/” нэртэй хүүхэлдэйн кинонд Бианка балетын бүжигчний түүхийг өгүүлдэг байна. Гол дүрийн баатар айдас, эргэлзээгээ ялж, толин дахь өөрийн тусгалтай тэмцэнэ. “Encanto”, “Frozen-2” хүүхэлдэйн киног бүтээхэд оролцож байсан зураач Хиллари Брэдфилдийн ярьснаар, өөрийнхөө үнэлэмжийг өсгөх, өөрийн биеийн хэлбэр, галбирт эергээр хандахыг уриалсан сэдэвт зориулсан хэд хэдэн төслийн нэг нь “Reflect” кино гэнэ.

Харин үзэгчид сошиал сүлжээнд энэ талаар багагүй маргаан дэгдээгээд байна.