Гэмт хэргийн улмаас хохирсон даатгуулагчид зарцуулсан төлбөрийг гэмт этгээдээр нөхөн төлүүллээ

Эрүүл мэндийн даатгалын тухай хуульд заасны дагуу гэмт хэргийн улмаас хохирсон даатгуулагчийн эрүүл мэндийн тусламж, үйлчилгээний зардлын төлбөрийг холбогдох хууль хяналтын байгууллагатай хамтран буруутай этгээдээр нөхөн төлүүлдэг.

Тэгвэл энэ оны есдүгээр сарын 22-ноос 28-ны өдрүүдэд 36 даатгуулагч иргэнд ЭМД-ын сангаас 25 сая 698 мянга 503 төгрөг зарцуулсныг хуулийн хүрээнд буруутай этгээдээр нөхөн төлүүлж, ЭМД-ын санг хохиролгүй болголоо.

Эрүүл мэндийн даатгалын тухай хуулийн 12 дугаар зүйл: Эрүүл мэндийн тусламж, үйлчилгээний зардлыг нөхөн төлүүлэх 12.1.1.гэмт хэрэг, зөрчлийн улмаас эрүүл мэнд нь хохирсон даатгуулагчийн эрүүл мэндийн тусламж, үйлчилгээний зардлын төлбөрийг холбогдох хууль хяналтын байгууллага хариуцан буруутай этгээдээр эрүүл мэндийн даатгалын байгууллагад төлүүлнэ гэж заасан байдаг.