Эрүүлжүүлэх, саатуулах байрны эмч нарт сургалт зохион байгууллаа

Монгол Улсын Засгийн газрын тогтоолоор жил бүр зохион байгуулагддаг “Архидан согтуурахаас сэргийлэх 10 хоног”-ийн хүрээнд эрүүлжүүлэх байрны ариун цэвэр, эрүүл ахуйн нөхцөл, эмнэлгийн үйлчилгээ, ерөнхий шаардлага MNS 5527:2013 стандартын 5.3 дах заалтыг хангах зорилгоор Нийслэлийн Цагдаагийн газрын харьяа эрүүлжүүлэх, саатуулах байрны эмч нарт эмнэлгийн анхан шатны тусламж, үйлчилгээ үзүүлэх аргад сургах танхимын болон гардан үйлдлийн сургалтыг Нийслэлийн Эрүүл мэндийн газраас зохион байгууллаа.

Тус сургалтанд Нийслэлийн Цагдаагийн газрын харьяа эрүүлжүүлэх, саатуулах байрны 37 эмч хамрагдаж, сургалтыг НТТТ-ийн үндэсний сургагч багш нар удирдан явуулсан юм.

Сургалтын төгсгөлд НЭМГ-ын мэргэжилтэн Л.Батцэцэг, НЦГ-ын Хэв журмын хэлтсийн дарга  цагдаагийн хурандаа Ш.Батболд, ахлах байцаагч цагдаагийн хошууч Д.Адьяахүү, НТТТ-ийн орлогч дарга С.Ариунболд нар хэлэлцүүлэг хийж, тулгамдаж буй асуудал болон цаашид хийх ажлын талаар ярилцаж, мэдээлэл солилцлоо.

  НИЙСЛЭЛИЙН ЭРҮҮЛ МЭНДИЙН ГАЗАР