АН хоёр дахь удаагаа нөхөн сонгуульд оролцох хүсэлтээ хүргүүлжээ

Б.Эрхэс | Zindaa.mn
2019 оны 04 сарын 30

Парламентын сөрөг хүчин болох АН өнөөдөр /2019.04.30/ Хэнтий аймгийн 42 дугаар тойрогт зохион байгуулагдах УИХ-ын нөхөн сонгуульд оролцох хүсэлтээ СЕХ-нд хүргүүллээ.  Хэнтий аймгийн 42 дугаар тойргийн УИХ-ын нөхөн сонгууль ирэх зургадугаар сарын 30-нд болох бөгөөд  Сонгуулийн тухай хуулийн дагуу нам эвслүүд сонгуульд оролцох хүсэлтээ дөрөвдүгээр сарын 30-ны дотор СЕХ-нд хүргүүлэхээр тусгасан. 

Мөн  нэр дэвшигч нь сонгуульд 2016 оны мөрийн хөтөлбөрийн дагуу оролцох тухай СЕХ-ноос мэдэгдээд байгаа юм.  СЕХ  улс төрийн намуудаас хүргүүлсэн бичиг баримтыг нягтлан шалгасны дараа тав хоногийн дотор бүртгэх эсэх шийдвэрээ танилцуулна гэлээ. Хэнтий аймгийн 42 дугаар тойрогт зохион байгуулагдах УИХ-ын нөхөн сонгууль Үндсэн хуулийн цэцийн шийдвэрээс шалтгаалж хойшилсон бөгөөд АН хоёр дахь удаагаа хүсэлтээ СЕХ-нд хүргүүлж байгаа нь энэ юм.

Дашрамд дурдахад, АН-ын Үндэсний бодлогын хорооны ээлжит бус VII хуралдаан энэ сарын 28-нд болж, Хэнтий аймгийн  42 дугаар тойргийн УИХ-ын нөхөн сонгуульд оролцох шийдвэрээ баталгаажуулсан билээ. 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top