Коронавирус дэгдсэн Ухань хотод Монголын 200 гаруй оюутан сурдаг

З.Тэмлүүн | Zindaa.mn
2020 оны 01 сарын 22

Өнгөрсөн оны арванхоёрдугаар сарын сүүлээр БНХАУ-ын Үхань хотод анх бүртгэгдэж дэлхий нийтийг айдаст автуулаад буй Коронавирус нь өчигдрийн байдлаар хүнээс хүнд агаар дуслын замаар халдварладаг нь нэгэнт тодорхой боллоо.

Өвчний голомт болох БНХАУ-ын Хүбэй мужийн Ухань хотод Монголын 250 орчим оюутан сурдаг ажээ. 

ЭМЯ-ны Олон нийттэй харилцах тандалт шуурхай удирдлагын хэлтсийн дарга Д.Нарангэрэл энэ талаар "Үханьд сурдаг 200 гаруй оюутны ихэнх нь Хятадын цагаан сар болж байгаа тул амралтаараа Монголдоо буцаж ирсэн. Тэдгээр оюутнуудад хяналт, шалгалт тавьж, тандалт судалгаанд хамруулж байна" гэлээ. 

Түүнчлэн тэрбээр "Буянт-Ухаа буюу Чингис хаан нисэх онгоцны буудал дээр Энэтхэг, Хонконг улсаас ирсэн халуурсан, ханиалгасан  шинж тэмдэгтэй сэжигтэй зургаан хүнийг ХӨСҮТ-д түр тусгаарлаж, онош тодруулснаар коронавирусийн халдваргүй гэдгийг нь тогтоосон" гэх мэдээлэл өгсөн юм. 

Хятадаас Монгол руу Буянт-Ухаагийн хилийн боомтоор өдөртөө 300-400, Замын-Үүдийн боомтоор 250-350 хүн зорчиж ирдэг гэсэн тоон мэдээлэл байна. 

Замын-Үүдэд термокамер ажиллуулж, Монгол руу ирж байгаа бүх зорчигчоос эрүүл мэндийн асуумж авч эхэлжээ. 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Халд гэсэн новшид (103.229.123.106)  2020 оны 01 сарын 24

Хүц чи өөрөө зайл бөгс минь

0  |  2
Халд (139.5.219.184)  2020 оны 01 сарын 24

Тэнд үхсэнээ хийж байдаг хогнууд вэ, Монголд битгий ирээрэй , та нарын хэрэг байхгүй

1  |  1
Top