Алтайн БНУ монгол жуулчдын эрүүл мэндийг шалгаж байна

ОХУ-ын Алтайн БНУ –ын Мэргэжлийн хяналтын газрын мэргэжилтнүүд БНХАУ-д коронавирусийн халдвар гарсантай холбоотойгоор хил дээр эрүүл мэндийн шалгалт хийж эхэллээ.

Тус БНУ-ын хилийн Ташаант боомтод Монголоос орж ирж байгаа иргэдийг эмчийн үзлэгт хамруулж, халууныг хэмжин, халдвар өвчинтэй эсэхийг шалгаж байна. Одоогийн байдлаар сэжигтэй тохиолдол илрээгүй байгаа гэнэ.

Коронавирусийн (2019-nCoV) халдвараар одоогийн байдлаар 26 хүн амиа алдаж, 894 хүн халдвар аваад байгаа билээ.