Зэс ашиглан хорт хавдар эмчлэх туршилт АМЖИЛТТАЙ болжээ

Я.Болор | Zindaa.mn
2020 оны 01 сарын 13

Лёвений католик их сургуулийн эрдэмтэд зэсээр хийсэн бичил ялтас ашиглан хулгана дээр туршилт хийж, хорт хавдрыг бүрмөсөн эмчилж чаджээ.

Туршилтын явцад хорт хавдартай хулгануудад тусгайлан гаргаж авсан зэсийн металл исэл тарьсан байна. Зэсийн ислийг зэс болон хүчил төрөгчөөс нанотехнологийн аргаар гаргаж авчээ. Энэ үеэр хулгануудад дархлааг дээшлүүлэх эмчилгээ мөн хийсэн аж. Туршилтын үр дүнд хулгануудын хорт хавдар үгүй болсон төдийгүй хорт хавдрын эс дахин суулгахад дархлааны тогтолцоо нь тэр даруй устгаж байжээ.

Эрдэмтдийн дараагийн алхам нь хүн дээр энэхүү эмчилгээний аргыг туршихаар зэхэж байгаа бөгөөд ингэснээр маш хүнд химийн эмчилгээг орлуулах боломжтой болно гэж үзэж байна.

Зэсийн исэл их тунгаар тарихад амь насанд аюултай ч нанотехнологиор гаргаж авсан зэсийн ислийг зөв тунгаар хэрэглэхэд тустай болохыг эрдэмтэд тогтоожээ.

Дараагийн шатанд бусад металлын нано хэсгийг бүтээж, эдгээр нь ямар төрлийн хорт хавдрыг эмчлэхэд тустай болохыг тогтоох гэнэ. Туршилтад хамрагдсан хулганууд уушги болон гэдэсний хорт хавдартай байсан бөгөөд зэсийн исэл хөх, өндгөвчийн хорт хавдарт мөн тустай гэж эрдэмтэд үзэж байна.
Металл нь амьд эсийг устгаж, ДНК гэмтээж, нөхөн сэргэх явцыг зогсоодог байна. Тийм ч учраас агаарын бохирдол хүний эрүүл мэндэд аюултай байдаг гэж эрдэмтэд онцолжээ. Гэхдээ энэхүү хорт металлыг хорт хавдрын эсийн эсрэг ашиглавал тэдний өсөлтийг зогсоох боломжтой болохыг тэд тогтоожээ. Ингэхдээ энэ аргыг дархлаа сэргээх эмчилгээтэй хослуулсан нь үр дүн өгчээ.

Лёвений их сургуулийн эрдэмтэд Бремений их сургууль, Лейбницийн инженерийн дээд сургууль, Грекийн Иоаннина их сургуулийн эрдэмтэдтэй хамтран энэхүү туршилтыг гүйцэтгэжээ.

 

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
bgo(64.119.17.97) 2020 оны 01 сарын 18

Mongolchuudiin zes guulin ayga hergeldeg baisnana uchirtail baij

0  |  0
ИРГЭН(182.160.35.168) 2020 оны 01 сарын 15

Хүн төрөлхтөн байгал эх дэлхийтэйгээ зөв ха рьцаж оршин тогтнох нөхцлөө бүрдүүлээд техник технологийн хөгжлийн ач тусаар сайн сайхны үрээс амсах цаг бх болтугай.Яг ийм харьцаагаар бол хүн амьтан маш хүнд бдалд орох нь тодорхой..........

0  |  0
zochin(202.126.89.75) 2020 оны 01 сарын 19

Amjilt husie, deer zes hunii bied sain gesen nevtruulej zuragtaar uzej baigaad iim bodol torj baisa, zes aygand us honuulaad ter usaa sharh sorviig ugaaval aydag bol gesen yum dotoroo bodoj bailaa. bas uuhad sain baihaa. yamartai ch Erdemted maani uragshilsaar l baina. bushuuhan l nevtruuleesei. \n

1  |  0
Tungaa (192.82.76.3) 2020 оны 01 сарын 18

Hurdan l emchilgeend nevtruuleesei

3  |  0
Top